Xəbərlər

QUBAYA XOŞ SƏFƏR

ETİHİ Yasamal Rayon Komitəsinin təşkilatçılığı ilə 32 saylı uşaq bağçasının ittifaq üzvləri üçün Quba rayonuna bir günlük səfər təşkil olunub.

Səfər çərçivəsində ittifaq üzvləri Qubanın zəngin təbiəti, tarixi-mədəni irsi və gözəl mənzərələri ilə yaxından tanış olmaq imkanı əldə ediblər. Azərbaycanın şimal bölgəsinin özünəməxsus təbiəti, dağların əhatəsində yerləşən mənzərəli guşələri və saf havası ittifaq üzvlərində xoş təəssüratlar yaradıb.

Gəzinti zamanı həmkarlar birlikdə xoş vaxt keçirib, gündəlik iş fəaliyyətindən uzaqlaşaraq asudə vaxtlarını səmərəli şəkildə dəyərləndiriblər. Səmimi söhbətlər, birlikdə keçirilən xoş anlar və çəkilən xatirə şəkilləri səfərin yadda qalan məqamları olub.

Qubanın təbiəti və özünəməxsus gözəllikləri ilə tanışlıq ittifaq üzvlərinə xoş ovqat bəxş edib. Birgə səfər kollektiv üzvləri arasında ünsiyyətin daha da möhkəmlənməsinə, həmrəyliyin və qarşılıqlı münasibətlərin inkişafına şərait yaradıb.

Bu cür səfərlərin təşkil olunması ittifaq üzvlərinin asudə vaxtlarının səmərəli keçirilməsinə, onların sosial və ictimai həyatının daha da canlanmasına xidmət edir. 32 saylı uşaq bağçasının ittifaq üzvləri üçün təşkil olunan Quba səfəri də məhz xoş istirahət və birlik baxımından yaddaqalan olub.

İttifaq üzvləri yaradılan bu gözəl imkan, göstərilən diqqət və qayğı, eləcə də səfərin yüksək səviyyədə təşkilinə görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı rəhbərliyinə səmimi minnətdarlıqlarını bildirib, bu cür tədbirlərin kollektiv daxilində həmrəyliyin güclənməsinə mühüm töhfə verdiyini vurğulayıblar. Səfər xoş təəssüratlar və gözəl xatirələrlə başa çatıb.

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

QUSARDA ASUDƏ VAXT

ETİHİ Yasamal Rayon Komitəsinin təşkilatçılığı ilə 53 №li ümumtəhsil məktəbin ittifaq üzvləri üçün Qusar rayonuna bir günlük tur səfəri təşkil olunub.

Səfər zamanı ittifaq üzvləri Qusarın zəngin təbiəti, dağlıq mənzərələri və gözəl istirahət guşələri ilə yaxından tanış olublar. Rayonun təmiz havası, yaşıllıqları və əsrarəngiz təbiəti ittifaq üzvlərinə xoş ovqat və yeni təəssüratlar bəxş edib.

Səfər kollektiv üzvlərinin gündəlik iş mühitindən uzaqlaşaraq asudə vaxtlarını səmərəli keçirmələrinə, həmkarları ilə birlikdə xoş anlar yaşamasına və səmimi ünsiyyət qurmasına şərait yaradıb. Birgə keçirilən vaxt, maraqlı söhbətlər və çəkilən xatirə şəkilləri səfəri daha da yaddaqalan edib.

Qusarın gözəllikləri ilə tanışlıq ittifaq üzvlərində xoş təəssüratlar yaradıb. Təşkil olunan gəzinti kollektiv üzvləri arasında həmrəyliyin və qarşılıqlı münasibətlərin daha da möhkəmlənməsinə töhfə verib.

Səfərin sonunda ittifaq üzvləri onlar üçün yaradılan bu gözəl imkana, göstərilən diqqət və qayğıya görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı rəhbərliyinə səmimi minnətdarlıqlarını bildirib, bu cür tədbirlərin kollektiv daxilində həmrəyliyin güclənməsinə mühüm töhfə verdiyini vurğulayıblar.

ETİHİ Yasamal Rayon Komitəsinin fəaliyyətinə yeni daxil olmuş 351 nömrəli körpələr evi-şaq bağçasının ilk həmkarlar ittifaqı təşkilatının ümumi yığıncağında sədr seçkisi baş tutub.

ETİHİ Yasamal Rayon Komitəsinin fəaliyyətinə yeni daxil olmuş 351 nömrəli körpələr evi-şaq bağçasının ilk həmkarlar ittifaqı təşkilatının ümumi yığıncağında sədr seçkisi baş tutub.

07.08.2026-cı il tarixində qoşulmuş 351 nömrəli körpələr evi-uşaq bağçasının Həmkarlar İttifaqı Təşkilatının seçki yığıncağı keçirilib və yeni sədr seçilib.

Yığıncaqda Qarayeva Xalidə Qurbanqulu qızının namizədliyi irəli sürülüb və açıq səsvermə nəticəsində ittifaq üzvlərinin böyük əksəriyyətinin səsini qazanaraq həmkarlar ittifaqı təşkilatının sədri seçilib.

Daha sonra gündəliyə uyğun olaraq ilk həmkarlar ittifaqı təşkilatının komitə üzvləri və təftiş komissiyasının üzvləri seçilib.

ETİHİ Yasamal Rayon Komitəsinin sədri Rövşən İbrahimli qonaq qismində yığıncaqda iştirak edərək yeni seçilmiş sədrə gələcək fəaliyyətində uğurlar arzulayıb. O, həmkarlar ittifaqında təmsil olunan üzvlərin gələcək fəaliyyət istiqamətləri, hüquq və vəzifələri barədə maarifləndirici məlumatlar verib, müvafiq tövsiyələrini diqqətə çatdırıb.

İyul ayı üzrə ekskursiya proqramı uğurla başa çatıb

Elm və Təhsil İşçiləri Həmkarlar İttifaqı Yasamal Rayon Komitəsi tərəfindən fəaliyyət dairəsinə daxil olan məktəbəqədər təhsil müəssisələrinin həmkarlar ittifaqı üzvlərinin sosial rifahının dəstəklənməsi, mənəvi istirahətinin təşviqi və kollektivlər arasında həmrəyliyin möhkəmləndirilməsi məqsədilə respublikamızın müxtəlif bölgələrinə birgünlük ekskursiyalar təşkil olunub.

İyul ayı ərzində həyata keçirilən ekskursiya proqramına 11 məktəbəqədər təhsil müəssisəsindən 273 nəfər həmkarlar ittifaqı üzvü cəlb edilib. Proqram çərçivəsində iştirakçılar İsmayıllı, Quba, Qusar, Şamaxı və Göygöl Milli Parkı istiqamətlərində təşkil olunan turlarda iştirak edərək ölkəmizin zəngin təbiəti, tarixi-mədəni irsi və turizm imkanları ilə yaxından tanış olublar.

Həyata keçirilən ekskursiyalar iştirakçıların mənəvi istirahətinə, kollektivlər arasında ünsiyyət və əməkdaşlıq əlaqələrinin daha da möhkəmlənməsinə, eləcə də iş motivasiyasının artırılmasına mühüm töhfə verib.

Təhsil işçilərini bir araya gətirən Qusar rayonu

Elm və Təhsil İşçiləri Həmkarlar İttifaqı Yasamal Rayon Komitəsinin həyata keçirdiyi sosial layihələr çərçivəsində Bakı şəhəri 79 nömrəli körpələr evi-uşaq bağçasının həmkarlar ittifaqı üzvləri üçün Qusar rayonuna birgünlük ekskursiya təşkil olunub.

Səfər proqramı iştirakçılara gündəlik iş prosesindən qısa müddətə uzaqlaşaraq mənəvi istirahət etmək, asudə vaxtlarını səmərəli keçirmək və kollektiv daxilində səmimi ünsiyyəti daha da möhkəmləndirmək imkanı yaradıb. Gün ərzində bağça əməkdaşları xoş ovqatda vaxt keçirərək zəngin təəssüratlarla geri qayıdıblar.

Bu cür layihələrin əsas məqsədi həmkarlar ittifaqı üzvlərinin sosial rifahının dəstəklənməsi, mənəvi istirahətlərinin təşviqi, kollektiv həmrəyliyinin möhkəmləndirilməsi və sağlam əmək mühitinin formalaşmasına töhfə verməkdir.

Səfərin sonunda bağça kollektivi göstərilən diqqət və qayğıya görə Elm və Təhsil İşçiləri Həmkarlar İttifaqı Yasamal Rayon Komitəsinə təşəkkürlərini bildirib. İştirakçılar belə təşəbbüslərin iş motivasiyasını artırdığını, kollektivdə müsbət əhval-ruhiyyənin formalaşmasına və əməkdaşlıq münasibətlərinin daha da möhkəmlənməsinə xidmət etdiyini qeyd ediblər.

Şamaxıya təşkil olunan səfər xoş təəssüratlarla yadda qalıb

Elm və Təhsil İşçiləri Həmkarlar İttifaqı Yasamal Rayon Komitəsi tərəfindən fəaliyyət dairəsinə daxil olan təhsil müəssisələrinin əməkdaşlarının sosial rifahının yüksəldilməsi istiqamətində həyata keçirilən tədbirlər davam etdirilir. Bu çərçivədə Bakı şəhəri 82 nömrəli körpələr evi-uşaq bağçasının həmkarlar ittifaqı üzvləri üçün Şamaxı rayonuna birgünlük istirahət turu təşkil olunub.

Şamaxıya təşkil olunan səfər kollektiv üzvlərinə işgüzar mühitdən kənarda dincəlmək, birgə xoş vaxt keçirmək, səmimi ünsiyyət qurmaq və unudulmaz təəssüratlar qazanmaq imkanı yaradıb. Gün ərzində iştirakçılar mehriban atmosferdə vaxt keçirərək kollektiv daxilində qarşılıqlı anlaşma, əməkdaşlıq və həmrəylik münasibətlərinin daha da möhkəmlənməsinə töhfə veriblər.

Belə tədbirlərin əsas məqsədi həmkarlar ittifaqı üzvlərinin asudə vaxtının səmərəli təşkilinə dəstək vermək, onların mənəvi istirahətini təmin etmək, iş motivasiyasını artırmaq və kollektivlərdə sağlam psixoloji mühitin formalaşmasına töhfə verməkdir.

Səfərin sonunda 82 nömrəli körpələr evi-uşaq bağçasının əməkdaşları göstərilən diqqət və qayğıya görə Elm və Təhsil İşçiləri Həmkarlar İttifaqı Yasamal Rayon Komitəsinə təşəkkürlərini bildiriblər. İştirakçılar bu cür təşəbbüslərin kollektivdə müsbət əhval-ruhiyyənin formalaşmasına, peşə fəaliyyətinə əlavə stimul verməsinə və iş səmərəliliyinin yüksəlməsinə müsbət təsir göstərdiyini qeyd ediblər.

TƏHSİL İŞÇİLƏRİNİN UNUDULMAZ İSTİRAHƏTİ

Elm və Təhsil İşçiləri Həmkarlar İttifaqı Yasamal Rayon Komitəsi tərəfindən həyata keçirilən sosial dəstək layihələri uğurla davam etdirilir. Növbəti təşəbbüs çərçivəsində Bakı şəhəri 11 nömrəli körpələr evi-uşaq bağçasının həmkarlar ittifaqı üzvləri üçün Quba rayonuna birgünlük istirahət turu təşkil olunub.

Səfər zamanı kollektiv üzvləri Qubanın zəngin təbiəti, sərin dağ havası və gözoxşayan mənzərələri ilə yaxından tanış olub, füsunkar istirahət məkanlarında xoş və yaddaqalan anlar yaşayıblar. Gün ərzində təhsil işçiləri asudə vaxtlarını səmərəli keçirərək qeyri-rəsmi mühitdə bir araya gəlib, səmimi ünsiyyət qurub, kollektiv həmrəyliyini və qarşılıqlı münasibətlərini daha da möhkəmləndiriblər.

Belə turların təşkilində əsas məqsəd təhsil işçilərinin sosial rifahına dəstək vermək, onların mənəvi istirahətini təmin etmək və kollektiv daxilində sağlam əməkdaşlıq mühitini daha da gücləndirməkdir.

Səfərin sonunda iştirakçılar göstərilən diqqət və qayğıya görə Elm və Təhsil İşçiləri Həmkarlar İttifaqı Yasamal Rayon Komitəsinə təşəkkürlərini bildiriblər. Bağça əməkdaşları bu cür layihələrin kollektivdə yüksək əhval-ruhiyyə yaratdığını, peşə fəaliyyətinə müsbət təsir göstərdiyini və gələcək iş uğurları üçün əlavə motivasiya mənbəyi olduğunu xüsusi vurğulayıblar.

Qubanın "Nazlı bulaq" istirahət mərkəzində birgünlük istirahət

Elm və Təhsil İşçiləri Həmkarlar İttifaqı Yasamal Rayon Komitəsi tərəfindən təhsil müəssisələrinin əməkdaşları üçün nəzərdə tutulan ekskursiyalar uğurla həyata keçirilir. Komitənin fəaliyyət dairəsinə daxil olan 94 saylı körpələr evi-uşaq bağçasının kollektivi üçün növbəti səfər Quba rayonunun dağlıq zonasında yerləşən mənzərəli "Nazlı bulaq" istirahət mərkəzinə təşkil olunub.

Səfər zamanı təhsil işçiləri Qubanın bənzərsiz təbiəti, meşələri və füsunkar dağ mənzərələri ilə yaxından tanış olub, təmiz və saf havada dincələrək olduqca xoş, unudulmaz anlar keçiriblər. Gün ərzində kollektiv üzvləri xoş mühitdə bir arada səmimi vaxt keçirib, maraqlı söhbətlər edib və bu dəyərli istirahət gününü gözəl xatirə şəkilləri ilə əbədiləşdiriblər.

Belə ekskursiyaların keçirilməsində əsas məqsəd ittifaq üzvlərinin sosial rifahına dəstək olmaq, onların asudə vaxtının səmərəli təşkilini təmin etmək, kollektiv daxilində həmrəyliyi və komanda ruhunu daha da möhkəmləndirməkdir.

Ekskursiyanın sonunda məktəbəqədər müəssisənin təhsil işçiləri göstərilən xüsusi diqqət və qayğıya görə Elm və Təhsil İşçiləri Həmkarlar İttifaqı Yasamal Rayon Komitəsinə dərin təşəkkürlərini bildiriblər. Onlar bu tipli tədbirlərin iş fəaliyyətlərində böyük motivasiya və gümrahlıq yaratdığını xüsusi vurğulayıblar.

Elm və Təhsil İşçiləri Həmkarlar İttifaqı Yasamal Rayon Komitəsi bundan sonra da təhsil işçilərinin sosial rifahının yüksəldilməsi və kollektivlərdə sağlam əmək mühitinin formalaşdırılması istiqamətində fəaliyyətini davam etdirəcək.

Kollektiv ruhunu möhkəmləndirən İsmayıllı səyahəti

Elm və Təhsil İşçiləri Həmkarlar İttifaqı Yasamal Rayon Komitəsi tərəfindən məktəbəqədər təhsil müəssisələrinin əməkdaşları üçün təşkil olunan ekskursiyalar davam edir. Növbəti ekskursiya fəaliyyət dairəsinə daxil olan 27 saylı uşaq bağçasının kollektivi üçün İsmayıllı rayonuna təşkil olunub.

Ekskursiya zamanı təhsil işçiləri İsmayıllının füsunkar təbiəti, sıx meşələri və möhtəşəm dağ mənzərələri ilə tanış olub, təmiz havada istirahət edərək xoş və yaddaqalan anlar yaşayıblar. Gün ərzində kollektiv birlikdə vaxt keçirib, səmimi söhbətlər aparıb, xatirə şəkilləri çəkdirərək istirahətin sevincini bölüşüb.

Belə ekskursiyaların əsas məqsədi ittifaq üzvlərimizin sosial rifahına dəstək olmaq, onların asudə vaxtının səmərəli təşkilini təmin etmək, kollektiv daxilində həmrəyliyi və komanda ruhunu daha da möhkəmləndirməkdir.

Ekskursiyanın sonunda 27 saylı uşaq bağçasının əməkdaşları göstərilən diqqət və qayğıya görə Elm və Təhsil İşçiləri Həmkarlar İttifaqı Yasamal Rayon Komitəsinə təşəkkürlərini bildirərək, bu cür tədbirlərin davamlı keçirilməsinin onlar üçün böyük motivasiya mənbəyi olduğunu qeyd ediblər.

Elm və Təhsil İşçiləri Həmkarlar İttifaqı Yasamal Rayon Komitəsi bundan sonra da təhsil işçilərinin sosial rifahının yüksəldilməsi, asudə vaxtının səmərəli təşkili və kollektivlərdə sağlam əmək mühitinin formalaşdırılması istiqamətində fəaliyyətini davam etdirəcək.

QUSARIN FÜSUNKAR TƏBİƏTİNƏ SƏFƏR

ETİHİ Yasamal Rayon Komitəsinin təşkilatçılığı ilə 53 saylı tam orta məktəbin ittifaq üzvləri üçün Qusar rayonuna bir günlük səfər təşkil olunub.

Azərbaycanın şimal bölgəsinin ən füsunkar guşələrindən biri olan Qusar rayonu öz möhtəşəm dağ mənzərələri, saf havası və zəngin təbiəti ilə ittifaq üzvlərində xoş təəssüratlar yaradıb. Səfər çərçivəsində ittifaq üzvləri rayonun görməli yerlərini ziyarət edib, bölgənin təbii gözəlliklərini yaxından seyr etmək imkanı əldə ediblər.

Təşkil olunan səfər ittifaq üzvlərinin asudə vaxtlarının səmərəli təşkilinə, gündəlik iş fəaliyyətindən uzaqlaşaraq mənalı istirahət etmələrinə və həmkarları ilə səmimi ünsiyyət qurmalarına əlverişli şərait yaradıb. Dağların qoynunda keçirilən bu səfər kollektiv üzvlərinə xoş anlar bəxş etməklə yanaşı, birlik və həmrəylik münasibətlərinin daha da möhkəmlənməsinə töhfə verib.

Qusarın füsunkar təbiəti, təmiz havası və özünəməxsus gözəllikləri ittifaq üzvlərinin yaddaşında silinməz iz buraxıb. Səfər ərzində çəkilən xatirə şəkilləri və xoş söhbətlər bu günü daha da yaddaqalan edib.

İttifaq üzvləri onlar üçün yaradılmış bu gözəl imkana, göstərilən diqqət və qayğıya, eləcə də səfərin yüksək səviyyədə təşkilinə görə ,Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı rəhbərliyinə səmimi minnətdarlıqlarını bildirib, bu cür təşəbbüslərin kollektiv üzvlərinin asudə vaxtlarının səmərəli təşkilinə, qarşılıqlı münasibətlərin möhkəmlənməsinə və kollektiv ruhunun güclənməsinə mühüm töhfə verdiyini vurğulayıblar.